Fréttir 03 2020
föstudagur, 27. mars 2020
Í dag kl. 11 lauk atkvæðagreiðslum starfsmanna Rio Tinto á Íslandi hf. um kjarasamninga sem samninganefndir skrifuðu undir 20. mars sl en er afturvirkur frá 1. júní 2019.
Niðurstöður voru sem hér segir:
Verkalýðsfélagið Hlíf og VR
Á kjörskrá
Kjörsókn
Já
Nei
Taka ekki afstöðu
224
155 (69,20%)
143 (92,26%)
9 (5,81%)
3 (1,94%)
Félög iðnaðarmanna
Á kjörskrá
Kjörsókn
Já
Nei
Taka ekki afstöðu
91
82 (90,11%)
71 (86,59%)
10 (12,20%)
1 (1,22%)
Bæði starfsmenn sem eru í Verkalýðsfélaginu Hlíf og VR annars vegarog starfsmenn sem eru í FIT, VM, Félagi rafeindavirkja og Félagi íslenskra rafvirkja hins vegarsamþykktu kjarasamninga félaganna með yfirgnæfandi meirihluta.
fimmtudagur, 26. mars 2020
Nánar um hlutabætur á móti skertu starfshlutfalli hér
föstudagur, 20. mars 2020
Atkvæðagreiðsla um samkomulag um framlengingu kjarasamnings milli Samtaka atvinnulífsins vegna Rio Tinto á Íslandi hf. annars vegar og VM – Félags vélstjóra og málmtæknimanna, Rafiðnaðarsambands Íslands vegna Félags íslensra rafvirkja og Félags rafeindavirkja og FIT – Félags iðn- og tæknigreina hins vegar hefst 24. mars 2020 klukkan 11:00.
Rafræn atkvæðagreiðsla um samkomulag um framlengingu kjarasamnings milli Samtaka atvinnulífsins vegna Rio Tinto á Íslandi hf.
þriðjudagur, 17. mars 2020
Félagsmenn VM eru hvattir til að hringja frekar á skrifstofuna, í síma 575-9800, en að koma þangað.Einnig má senda fyrirspurn á netfangið vm@vm.is.Öllum fyrirspurnum svarað eins fljótt og auðið er á opnunartíma skrifstofu.
föstudagur, 13. mars 2020
Atkvæðagreiðslu um verkfall starfsmanna hjá ÍSAL lauk klukkan 13 í dag. Félagsmenn VM á kjörskrá voru 43 og greiddu 38 eða 88,37% þeirra atkvæði. Já sögðu 36 eða 94,7% þeirra sem þátt tóku í kosningunni.
föstudagur, 6. mars 2020
Sameiginleg auglýsing frá stéttarfélögum starfsmanna Rio Tinto á Íslandi hf.; Verkalýðsfélaginu Hlíf, Félagi íslenskra rafvirkja, Félagi rafeindavirkja, VM – félagi vélstjóra og málmtæknimanna, FIT – félagi iðn- og tæknigreina og VR.
fimmtudagur, 5. mars 2020
Formenn verkalýðsfélaga starfsfólks sem vinnur í álverinu í Straumsvík hafa sent frá sér sameiginlega tilkynningu um að tilboði um eingreiðslu og framlengingu friðarskyldu sé hafnað og að undirbúningur verkfallsaðgerða sé hafinn.
mánudagur, 2. mars 2020
Að gefnu tilefni vill Alþýðusamband Íslands taka fram, að launafólk sem sett er í sóttkví eða sem gert er að læknisráði að halda sig heima við og umgangast ekki vinnufélaga eða annað fólk í umhverfi sínu vegna þess það sé annað af tvennu sýkt af COVID-19 eða sé hugsanlegir smitberar hans, er að mati ASÍ óvinnufært vegna sjúkdóms eða vegna hættu á því að verða óvinnufært vegna hans.
